ِِ في الشتا ... و البرد .ِِ

إنت : ماشفت حزني يوم شفتك وصفت . .
................... [ الشتا ] كيف سوّى وبـ كلامك بديت ،

إنت ماشفت خوفي في سؤالي نشفت !
................... أدري ماكنت تدري بس ، تدري ياليت . .

إنت ماشفت حالي أمس لما { نزفت } ،
................... قول ، وشفيك ساكت ؟ لايكون إستحيت !

شفت كل الليالي ، وإنت لاتقول شفت ؟
................... فيه كم ليله عدّت . . عنّهَا ، مادريت

تمطر ، وغيم [ عابر ] يوم شفته عرفت :
................... إنه [ بردك ] تجرأ ~ يلمسك . .وإنتهييييت !

أدري خايف ولكن بسألك : ليش خفت ؟
................... وإنت تدري حبيبك ينتهي لا ( بكيت ) .

لا مشيت إحذر الطيحه ولامن وقفت ،
................... لا تطوفك سنين ، وتنسى إنّك مشيت !

وإن لقيت الصعايب إذكر إنّي حلفت :
................... [ في يمينك إخذني سيف للّي بغيت ] . .

أدري بردان وتدري واعدك ما خلفت ،
................... إن عيني " لحافك " لا بردت و ~ غفيت !

أدري الجو بارد ومن هالأجواء خفت . .
................... وتدري إني مسافر مارجعت { الكويت } .

إسمع اللي بقوله وشوف شنهو إكتشفت :
................... في الشتا ، إقرا هذا البيت مو أي بيت . .

كل ماهب ريح " البرد " وشفتك رجفت ،
................... أشعِل إحساس شعري [ نار ] وأسأل : دفيت ؟

جميل جدا شاعرتنا
أتصور انك لو اتحفتينا كل مرة بشيئ من هدا
سنكون سعيدين وفخورين
يعطيكي الف عافية
وكلام جدا جميل ومناسب لجو البرد والشتاء الحالي

midou_didou كتب:: جميل جدا شاعرتنا
أتصور انك لو اتحفتينا كل مرة بشيئ من هدا
سنكون سعيدين وفخورين
يعطيكي الف عافية
وكلام جدا جميل ومناسب لجو البرد والشتاء الحالي

ميدو نورت هالصفحة

بس أخي انا لا شاعرة ولا شي صحيح بكتب بس مو لهالدرجة ِِ في الشتا ... و البرد .ِِ Icon_biggrin

الشعر للشاعر احمد الصانع

شاعر و كاتب اغاني

MERCI ASALIYA TISLAMIIII LKALAM KTIRRRRRR HILWOOOOOO

ZIZOLITA GHAZAL كتب:: MERCI ASALIYA TISLAMIIII LKALAM KTIRRRRRR HILWOOOOOO

zizolita

tnx 3la mror l7ilw

ِِ في الشتا ... و البرد .ِِ Icon_smile